A fuxida do Portiño Escritor/a: Varios autores

Ed. Edicións A NOSA TERRA,
2009 | Ensaio e Investigación

A Comisión para a Recuperación da Memoria Histórica da Coruña e a editorial A Nosa Terra publican un estudo sobre un dos acontecementos máis destacados do período da guerra civil en Galicia que, ao tempo, é tamén un dos máis descoñecidos, a fuxida por mar dos mariñeiros do Portiño. Foi un deses acontecementos que quedaron na retina do pobo e ao que nunca se lle deu a importancia que en realidade tivo. En 1937 un grupo de perseguidos tenta escapar das gadoupas do novo réxime a través do mar, tal como fixeran moitos desde o mesmo 18 de xullo de 1936. O presente estudo, no que colaboran especialistas de primeiro orde, amósanos como se fraguou, e o que aconteceu con eses individuos. Un importante grupo de activistas sindicais e políticos foi masacrado na Coruña de 1937. Como tantos outros militantes obreiros, tentaban fuxir do terror imposto polos militares alzados contra a República. Froito dun riguroso traballo dun grupo integrado por Carlos Velasco, Dionisio pereira, Emilio Grandío e Eliseo Fernández, é esta unha investigación que circula por dous camiños ben diferenciados. Un deles é afondar no feito concreto da tentativa de fuxida dos sindicalistas e tamén no sanguento proceso represivo desatado que levou á morte de 19 persoas nun exemplo do exterminio aberto cos homes máis destacados do movemento obreiro galego. O outro, incide nunha visión xeral do momento histórico no que se produciron os feitos e mesmo da situación que se derivou de todo o proceso represivo aberto co golpe militar do 36 en Galiza e na Coruña en particular.

[Resumo polo proxecto Ano da Memoria]

» Título: A fuxida do Portiño
» Escritor/a:
   Varios autores

» Ed. Edicións A NOSA TERRA,
» Ano: 2009
» Xénero: Ensaio e Investigación
» IBIC: DNF - Ensaios literarios
» Coleccion: O fardel da memoria
» Pax: 237
» ISBN: 978-84-8341-306-7

» Crítica: Moito máis que unha barca no mar