Garavanciño Escritor/a: Olalla González Paz
Ilustrador: Marc Taeger

Ed. Kalandraka Editora,
2008 | Infantil-Xuvenil

Había unha vez unha familia que tiña un fillo moi pequeno, tan pequeno coma un garavanzo. Por iso decidiron chamarlle Garavanciño. Un día cando a súa nai estaba facendo o xantar, notou que lle faltaba o azafrán. Garavanciño axiña se ofreceu para ir á tenda. A nai nunca o deixaba saír só da casa porque tiña medo de que a xente non o vise e o pisase. Pero Garavanciño insistiu. Díxolle á súa nai que iría cantando; así, aínda que non o visen, sentiríano e ninguén o pisaría.
KALANDRAKA segue recuperando relatos da tradición oral, de estructura encadeada e ritmo acumulativo, que ten un dos seus máis claros exemplos en "Garavanciño". Como todos os que pertencen a este xénero, posúe un alto nivel didáctico e contribúe a construir a mente dos primeiros lectores, porque os contos populares son o nexo entre a cultura dos maiores e o mundo moderno actual.
A historia enmárcase nun ambiente familiar e protector, propio do fogar; pero lonxe de inculcarlle complexos e debilidades ao protagonista, a causa do seu pequeno tamaño, transmite unha mensaxe positiva: Garavanciño é forte, ten iniciativa, sabe afrontar aos problemas que Ile xorden e resolvelos. E ademais, neste caso, teñen final feliz.

» Título: Garavanciño
» Escritor/a:
   Olalla González Paz
» Ilustrador:
   Marc Taeger

» Ed. Kalandraka Editora,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Os contos do trasno
» Pax: 40
» ISBN: 978-84-8464-682-2