A casa máis grande do mundo Escritor/a: Leo Lionni
Tradutor/a: Xosé Manuel González "OLI"

Ed. Kalandraka Editora,
2008 | Infantil-Xuvenil

Unha familia de caracois vivía nunha xugosa col. Coa casa ás costas, percorríana lentamente na procura dalgunha herba tenra para roer. Un día, un pequeno caracol díxolle ao seu pai: "Cando sexa grande, quero ter a casa máis grande do mundo." "Iso é unha parvada," respondeu o pai, que resultou ser o caracol máis prudente de todos. "As cousas grandes non sempre son as mellores." E contoulle esta historia...
Leo Lionni na súa nenez foi un gran admirador dos animais, sobre todo reptís, que acollía nun terrario con paredes de vidro, acondicionado con area, pedras, fentos e musgo. Desta afección xurdirían do tempo relatos como o do caracol que ansiaba ter unha casa máis chamativa que a de ningún outro dos seus conxéneres; unha metáfora máis sobre a vida, a prudencia, o sentido práctico das cousas, a humildade e a sinxeleza fronte á arrogancia e á superficialidade.
Cunha linguaxe de moita riqueza literaria, e cunhas ilustracións que destacan pola súa plasticidade e colorido, Leo Lionní presenta esta fábula que segue a senda doutros libros seus, como "Frederick", "Pequeno Azul e Pequeno Amarelo" e "Nadarín", publicados por KALANDRAKA; historias sinxelas que supoñen, en palabras do propio autor, "unha comprensión intuitiva da esencia das cousas e dos acontecementos".
[Presentación editorial]

» Título: A casa máis grande do mundo
» Ilustrador:
   Leo Lionni
» Tradutor/a:
   Xosé Manuel González "OLI"

» Ed. Kalandraka Editora,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Tras os montes
» Pax: 40
» ISBN: 978-84-8464-699-0