Descubrir a arte a través do mundo Tradutor/a: David Gippini
Escritor/a: Caroline Desnoëttes

Ed. Faktoría K de libros,
2008 | Infantil-Xuvenil

Este libro é -dende o comezo- unha festa para os ollos, un fascinante encontro con 18 obras de arte a través de todo o mundo: rollos etíopes, biombos coreanos, máscaras brasileiras, iconos rusos...
A disposición das páxinas tamén lle propón ao lector entreterse levantando as pestanas despregables para descubrir os textos ocultos que suxiren ollar, xogar e que lle aclaran a lectura dos obxectos, con información sobre as obras, o seu lugar e época de creación. Invita a observar os detalles, os materiais, as formas artísticas...
Os adultos contan ao final cun rico complemento á Historia da Arte, cunha galería que contén información sobre as pezas reunidas, os países aos que pertencen, o tipo de arte no que se encadran, a súa descrición, utilidade e época en que foron feitas.
Caroline Desnoéttes pretende facer partícipes aos lectores máis novos do marabilloso mundo da arte. A autora francesa escribiu numerosos libros para o público infantil, entre os cales figuran coleccións como "O museo de...", "Pasea con colores" e "A Pintura a través do tempo".
Tamén é pintora e deseñadora; nesta faceta o seu maior obxectivo é desacralizar o mundo da arte, baixalo da 'torre de cristal' na que se atopaba e achegar a arte á vida diaria da nosa sociedade. Unha das súas últimas exposicións realizouse na Mediateca de Issy-les-Moulineaux.
[Presentación editorial]

» Título: Descubrir a arte a través do mundo
» Tradutor/a:
   David Gippini
» Escritor/a:
   Caroline Desnoëttes

» Ed. Faktoría K de libros,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Caixón de Arte
» Pax: 64
» ISBN: 978-84-96957-33-6