Os globos de andar Escritor/a: Xavier López Rodríguez

Ed. Baía Edicións,
2008 | Infantil-Xuvenil

Gañadora do 3º Premio de Literatura Infantil e Xuvenil "Meiga Moira" (2008)
Outra cidade. Un novo barrio. Outro colexio cheo de compañeiros descoñecidos. No momento da nova mudanza, Marcos levaba moitas incertezas na mochila. Temía achar soidade, saudade, aburrimento. Daba por seguro que había estrañar. Pero logo dou con amigos cos que estar. E un misterio por resolver, o do neno que non sabía andar sen levar un globo na man. Sen contar a un avó que esixía que lle contasen contos.
Os globos de andar é unha historia que pon de manifesto as mellores cualidades da infancia dun xeito orixinal. A inocencia, bondade, confianza, solidariedade e esperanza, como algúns dos valores que marcan o deambular dos seus protagonistas, están presentes na obra de forma non forzada, sensible e, fundamentalmente, natural.
A historia é reforzada coa utilización dunha linguaxe sinxela, accesible e fluída, coa que se consegue non só afondar na tenrura do relato, senón tamén propiciar unha lectura fácil e directa para o público ao que vai dirixida.
[Presentación editorial]

» Título: Os globos de andar
» Escritor/a:
   Xavier López Rodríguez

» Ed. Baía Edicións,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Meiga Moira
» Pax: 93
» ISBN: 978-84-96893-87-0