Amancio Amigo e o demo da botella Escritor/a: Xosé Miranda
Ilustrador: Patricia Castelao

Ed. Edicións Xerais de Galicia,
2008 | Infantil-Xuvenil

A protagonista desta novela, Sabela, unha nena do Courel, é irmá da moza e amiga da irmá do meigo Amancio Amigo.
Un día, por accidente, librera un demiño que o meigo ten pechado nunha botella. Para compensalo, ela e a súa amiga Loreto chocan un ovo caído do ceo, do que sae un novo demiño, ao que lle poñen por nome Anduriño.
Pero Anduriño escapa tamén e, mentres todo iso sucede, no ceo comezan a concentrarse as nubes e as treboadas e unha grande ameaza pende sobre a aldea. Uns ollos de sangue vixían entre os nubeiros. Amancio é tomado por unha invencible somnolencia e uns estraños personaxes visitan ao pai de Sabela, o filósofo Kalouro e o seu axudante Franco Opaco, que investigan se, no inexplicable roubo cometido na súa casa, o ladrón entrou pola ventá ou viceversa…
Amancio Amigo e o Demo da Botella é a segunda entrega da serie de novelas de maxia, escritas por Xosé Miranda e ilustradas por Patricia Castelao, protagonizadas por Amancio Amigo. Unha serie dirixida a lectores de once anos en diante.
[Presentación editorial]

» Título: Amancio Amigo e o demo da botella
» Escritor/a:
   Xosé Miranda
» Ilustrador:
   Patricia Castelao

» Ed. Edicións Xerais de Galicia,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Sopa de libros
» Pax: 160
» ISBN: 978-84-9782-890-1