Contos en Cantos Escritor/a: Almudena Janeiro
Ilustrador: Varios autores

Ed. OQO,
2008 | Infantil-Xuvenil

Percorrer o mundo contando e cantado bossa nova cunha hipopótama presumida e sirtaki cuns velliños cun día se queren moito e outro non paran de discutir. Mentres, o tango permite bailar ben pretiño a un elefante gris con lunares morados e unha formiga negra con cintura de avespa. En total, unha ristra de melodías para trece tontos que conforman a escolma realizada entre os relatos publicados por OQO Editora de distintas culturas do planeta, nas que é imposible non afondar guiados pola rica e saltarina voz de Almudena Janeiro.
Este libro-CD-DVD é un diálogo a tres bandas entre as artes plásticas, música e a literatura, partindo dunha selección de cantos de distintas culturas, tanto de creación como tradicionais, e a través de diferentes estilos musicais como a popular portuguesa, bossa nova (Brasil), sirtaki (Grecia), tango (Arxentina), rock & rail, soul, gospel ou cantos africanos. Deste xeito, créase por primeira vez un fondo musical galego que pretende achegar aos máis pequenos a outras culturas a través da nosa, valorando e compartindo un patrimonio musical diverso como fonte de enriquecemento e gozo.
Ademais do CD e o soporte libro (con imaxes dos cantos de orixe e as letras das cancións), música, literatura e artes plásticas relaciónanse nun material visual e sonoro (Karaoke) que abre un campo de traballo a nivel lingüístico musical e emocional.
Os 13 temas que presenta o CD ofrecen amplas posibilidades para facer xogos, dramatizacións ou danzas simples para nenas con idades de Infantil e Primaria.
As cancións están interpretadas pola voz solista de Almudena Janeiro, acompañada por guitarras, percusión, frauta, tambores, congas e outros instrumentos máis accesíbeis como cascabais, claves, pan de choiva, chocas… axustándose no ritmo á procedencia das historias. Os distintos graos de dificultada favorecen a atención a discriminación auditiva e a memoria en diferentes idades.
[Presentación editorial]

» Título: Contos en Cantos
» Escritor/a:
   Almudena Janeiro
» Escritor/a:
   Varios autores

» Ed. OQO,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Q Son
» Pax: 37
» ISBN: 978-84-9871-047-2