Buscando o Norte Escritor/a: Paula Carbonell Penichet
Ilustrador: Cecilia Afonso

Ed. OQO,
2008 | Infantil-Xuvenil

O vagalume xoga a ser estrela fugaz, a límacha pide un desexo... e entón comeza a viaxe cara ao país dos pexegueiros, seguindo a estrela polar, acompañados polas distintas fases da lúa.

Un desexo convértese nunha viaxe, a viaxe convértese nun encontro, un encontro lévate a buscar o Norte, o Norte é o lugar onde pedir desexos. O propio camiño, máis que o destino final, fai que os protagonistas desta historia se enriquezan, maduren e descubran novos mundos, dentro e fóra deles mesmos. Un conto que nos deixa ver desde os ollos máis pequenos, sobre a herba, entre as pingas de orballo.

Cecilia Afonso ofrécenos fermosas ilustracións nas que emprega a técnica da colaxe, usando papeis e fíos combinados con lapis e témpera. A través de figuras sinxelas e limpas, a ilustradora arxentina desprega unha particular linguaxe simbólica, ás veces abstracta e cunha gran carga poética, onde sempre queda lugar para que o lector se sorprenda, busque e atope; e nos regala chiscadelas, pistas, chamadas de atención nunha proposta que acompaña o texto e vai máis alá, inventando unha historia dentro da historia, que nos leva a buscar, cos protagonistas, a lúa nova.
[Presentación do libro]

» Título: Buscando o Norte
» Escritor/a:
   Paula Carbonell Penichet
» Ilustrador:
   Cecilia Afonso

» Ed. OQO,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 40
» ISBN: 978--84-9871-060-1