A gran viaxe do Señor M. Escritor/a: Gilles Tibo
Ilustrador: Luc Melanson
Tradutor/a: Pedro A. Almeida

Ed. Kalandraka Editora,
2008 | Infantil-Xuvenil

"Tras a morte do seu neno, o Señor M. abandonou todo. Só gardou un osiño de la, e unha cadeira para viaxar. Na estación, o Señor M. mercou un billete, só de ida, para calquera sitio. Viaxaba sentado sobre o último vagón."

A ausencia, a dolor da perda, a soidade... sentimentos que transmite a figura do Señor M. e que trata de mitigar facendo unha errática viaxe polo mundo; unha viaxe que lle vai descubrindo a importancia das pequenas causas: un sorriso, un solpor... Pero nesa viaxe, que se pode interpretar igualmente como unha viaxe interior, descobre ademais o sufrimento alleo que padecen as vítimas inocentes da guerra e da destrucción. Un libro que transmite melancolía, mais tamén esperanza.

As ilustracións envolven de dozura o relato, con cores suaves e trazos esquemáticos, pouco definidos. En conxunto, resulta un libro que transmite delicadeza polo seu tratamento do fenómeno da morte e do dó, que refleflicte estados de ánimo humanos e llos transmite ao público infantil con naturalidade. Non falta o toque poético das imaxes, expresivas e cheas de vida.
[Presentación editorial]

» Título: A gran viaxe do Señor M.
» Escritor/a:
   Gilles Tibo
» Ilustrador:
   Luc Melanson
» Tradutor/a:
   Pedro A. Almeida

» Ed. Kalandraka Editora,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Pax: 38
» ISBN: 978-84-8464-672-3