Ovos duros Escritor/a: Marisa Núñez
Ilustrador: Teresa Lima

Ed. OQO,
2007 | Infantil-Xuvenil

A filla do carboeiro era coñecida pola súa intelixencia. O príncipe, atraído polo seu inxenio, rétaa nun xogo intelectual que acabará por marcar o destino das súas vidas… Reconstruído a partir dunha versión oral do Maghreb, este conto, de carácter híbrido, coñece una extraordinaria difusión lingüística e cultural; podemos atopar variantes deste relato en lugares de Europa como Finlandia, baixo o título de Os ovos duros, ou a recollida de Afanasiev en Rusia, baixo o título da A moza lista. A clave do conto está no reto intelectual, no xogo de preguntas e respostas, na capacidade de desenvolver con inxenio e astucia as tarefas imposibles até espertar a sensibilidade e abrandar o corazón dun ser inxusto e caprichoso. As situación, as adiviñas impostas polo rei ou polo zar, varían dun país a outro, sendo común no desenlace o triunfo da sabedoría e a reconciliación; neste caso pártese dunha versión oral magrebí; os pobos bereberes de kabylia teñen contado a historia da filla do carboeiro a moitas xeracións porque o amor é un dos temas esenciais da literatura oral destas tribus nómadas. A ilustradora portuguesa Teresa Lima, que se presenta con esta proposta no mercado español, ofrécenos un traballo minucioso, de trazo delicado e gran sensibilidade.
[Presentación editorial]

» Título: Ovos duros
» Escritor/a:
   Marisa Núñez
» Ilustrador:
   Teresa Lima

» Ed. OQO,
» Ano: 2007
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección Q
» Pax: 64
» ISBN: 978-84-96788-16-9