A incríbel historia da nenapaxaro e o galopín Tradutor/a: Antón Fortes Torres
Escritor/a: Anna Castagnoli
Ilustrador: Susanne Jansen

Ed. ,
2008 | Infantil-Xuvenil

“Aquel neno pasaba as horas subido nunha gran árbore. A nai berráballe desde a venta: Es un galopín! E isto, todos os días de todos os meses do ano, tanto e tan seguido que o neno esqueceu o seu verdadeiro nome. Mais un día estraño de maio, o galopín atopou na copa da árbore un pequeno ovo de paxaro...” No ámbito da identidade o nome ten relación coas preguntas: quen son?, quen somos? A ausencia de nome, como Ile acontece ao protagonista desta historia, supón un cambio na identidade, ser asumido só por un adxectivo negativo, polo que os demais pensaban del.
O galopín está a ser sempre recriminado e só descubre o afecto cando observa o amor con que as demais nais tratan aos seus fillos. Nese intre, o galopín recoñece un afecto que nunca tivo como unha necesidade primaria, imprescindible para a supervivencia.
Como Cósimo, o barón rampante de Italo Calvino, o protagonista desta historia toma desde as alturas certa distancia cun mundo que non comparte; unha distancia que Ile proporciona liberdade e unha nova perspectiva do mundo, das persoas e dos acontecementos desde a que reconstruírse el mesmo.
Un libro sen idade, que aporta material para a reflexión sobre a importancia do afecto e axuda a ver detalles que poden pasar inadvertidos pero que en realidade conforman a personalidade dun individuo.
Esta é a primeira obra que a recoñecida ilustradora alemá Susanne Jansen edíta no Estado español, Xogando co bicromatismo de negros e vermellos, Susanne Jansen preséntanos un imaxinario narrativo moi particular, con escorzos e perspectivas imposíbeis. Traballa con detalle a psicoloxía dos personaxes, combinando a dureza e a dozura nos rostros dos mesmos, onde as miradas teñen unha especial importancia. Sen dúbida un traballo plástico de grande impacto e forza expresiva, que non deixa a ningún espectador.
[Presentación editorial]

» Título: A incríbel historia da nenapaxaro e o galopín
» Tradutor/a:
   Antón Fortes Torres
» Escritor/a:
   Anna Castagnoli
» Ilustrador:
   Susanne Jansen

» Ed. ,
» Ano: 2008
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 48
» ISBN: 978-84-9871-68-8