Unha parella diferente Escritor/a: Daniela Kulot
Tradutor/a: Pilar Martínez
Tradutor/a: Marc Taeger

Ed. Faktoría K de libros,
2007 | Infantil-Xuvenil

Un día que non tiñan nada que facer, Crocodilo díxolle a Xirafa: -"Irnos dar unha volta?". -"E onde irnos?", preguntou Xirafa, "a Vilacrocodilo ou a Aldeaxirafa?".

Crocodilo e Xirafa namoráronse, construiron unha casa para os dous e emprenderon unha vida en común, que lamentablemente topou coa incomprensión dos seus respectivos semellantes. Senllas visitas ao Barrio Crocodileiro e ao Barrio Xirafero deixáronlles unha desagradable impresión de como os demais valoraban a súa relación. Esta peculiar e entrañable parella padecía as miradas, as burlas e os murmurios dos seus conveciños, grandes e pequenos.
E malia todo, sen importarlles as críticas alleas, os protagonistas non o pensaron dúas veces cando un repentino percance puxo en perigo a unha familia. A altura de Xirafa e a habilidade de Crocodilo salvaron vidas e demostraron que a cooperación e a solidariedade son os alicerces da boa convivencia, por riba de calquera diferenza.
Un libro que, ademais de valores, tamén destila bo humor, tanto no que respecta ás ilustracións, como ao texto, con simpáticos xiros lingüísticos: o "xiradrilo-móbil" no que se desprazan Crocodilo e Xirafa é un bo exemplo de fusión entre especies.
"Unha parella diferente" forma parte dunha serie á que pertencen os títulos "Crocodilo namorado" e "Unha casa a medida", publicados por FAKTORÍA K. Outros traballos da mesma autora e ilustradora que forman parte do catálogo da editorial son "Leopoldo e Casilda", "Que leria de cordóns" e "Co dedo no nariz", todos eles dispoñibles en castelán e galego.
[Presentación editorial]

» Título: Unha parella diferente
» Ilustrador:
   Daniela Kulot
» Tradutor/a:
   Pilar Martínez
» Ilustrador:
   Marc Taeger

» Ed. Faktoría K de libros,
» Ano: 2007
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Pax: 32
» ISBN: 978-84-96957-14-5