Un nome de dicionario Escritor/a: Amélie Nothomb
Tradutor/a: Dolores Vilavedra

Ed. Galaxia,
2003 | Narrativa

Plectrude nace no cárcere, orfa. Vai ser unha rapaza distinta, condicionada para sempre por esa circunstancia. Excepcional na escola, onde todos a admiran, a súa obsesión é ser bailarina na Ópera de París. Cando está a piques de realizar o seu soño, a dura disciplina da danza condúcea á anorexia. A protagonista da novela está inspirada nunpersonaxe real, a cantante francesa Robert, que aparece retratada na cuberta da edición galega da novela. En "Un nome de dicionario", Amélie Nothomb sorprende polo seu estilo inconfundible, pola súa madureza e a súa capacidade para conectar facilmente co lector. Hoxe en día, a narradora belga é a representante por excelencia da nova literatura en lingua francesa.
Autora de culto e un dos fenómenos literarios europeos máis interesantes dos últimos tempos, Amélie Nothomb é unha escritora que conecta con doada complicidade coas inquedanzas da nosa época, inquedanzas que traducen historias contundentes e extraordinariamente atractivas, que se afastan claramente do insubstancial e do solemne, da inxenuidade e do academicismo. En palabras do crítico Francisco Martínez Bouzas, posúe "un estilo cunha ollada incisiva, dun humor e unha ironía tallantes, espontáneos e non premeditados".
[presentación editorial]

» Título: Un nome de dicionario
» Escritor/a:
   Amélie Nothomb
» Tradutor/a:
   Dolores Vilavedra

» Ed. Galaxia,
» Ano: 2003
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Literaria
» Pax: 144
» ISBN: 84-8288-635-5