Cardume Escritor/a: Rexina Vega

Ed. Edicións Xerais de Galicia,
2007 | Narrativa

En Cardume relátasenos, a través dun fío persoal e familiar, a historia dos sobreviventes a un tempo confuso, enfermo e doloroso; a ese tempo aberto pola eclipse da República e dos seus ideais. A novela caracteriza un período moi longo que retrata boa parte do século XX a través de varias xeracións, sorprendéndonos coa fascinante recreación de atmosferas sociais, familiares, políticas, industriais, culturais, e a recreación dos retratos da emigración daquela época convulsa que deixou unha pegada imborrable nas persoas que a viviron. Ambientada nun Vigo industrial e atlántico, Cardume é un crisol de personaxes que evolucionan e logran subsistir as miserias dunha cidade desacougante. Cunha gran capacidade expresiva e unha lingua poética e metafórica que evidencia unha clara vontade estilística, Rexina Vega reivindica nesta novela a memoria como conformación da identidade do presente. Cardume obtivo o Premio Xerais de novela 2007.
[Presentación editorial]

» Título: Cardume
» Escritor/a:
   Rexina Vega

» Ed. Edicións Xerais de Galicia,
» Ano: 2007
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Narrativa
» Pax: 200
» ISBN: 978-84-9782-655-6

» Crítica: Fotografía da cidade que foi
» Audio: Rexina Vega fala de Cardume
» Lecturas: Avance de Cardume