Ámote Escritor/a: Xosé Carlos Caneiro

Ed. Galaxia,
2003 | Narrativa

"Ámote" é unha novela de amor ou, tal vez, un soliloquio que quere converterse nunha gran novela de amor. O protagonista é un periodista misántropo, bebedor, entusiasta, bohemio e romántico que se namora de todas as mulleres que coñece. Nunca é correspondido.Para espantar a tristeza crea o seu propio amor, que nunca sabemos se é ficticio ou real. Unha dama de ollos verdes que o acompaña dende a súa infancia, que o amoa desesperadamente e o axuda a sobrevivir.
Cunha prosa envolvente, atenta aos sentimentos e de forte poder evocador, Caneiro crea un universo narrativo elaborado desde a emoción da palabra e o triunfo da ficción. Cun protagonista inesquecibel, con voz e personalidade propia, que racha as convencións e chega a facerse palpable, omnipresente, mesmo veraz. Desde o Bardamu de Louis Ferdinand Céline, nunca un personaxe novelesco falou de maneira tan directa e sincera ao lector. O amor, a emoción da palabra en si mesma, o sentimentos do ser humano, a soidade, a ilusión e a felicidade son os temas duna novela que nos conta unha historia dunha pàixón irrepetibel, froito da capacidade creadora dun dos grandes narradores galegos de hoxe.
[presentación editorial]

» Título: Ámote
» Escritor/a:
   Xosé Carlos Caneiro

» Ed. Galaxia,
» Ano: 2003
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Literaria
» ISBN: 84-8288-631-2