Instrucións para espertar a unha cadeira durmida Escritor/a: Pablo Prestifilippo
Tradutor/a: Xosé Ballesteros Rei

Ed. Faktoría K de libros,
2007 | Infantil-Xuvenil

Que é unha cadeira?
E un cuadrúpedo doméstico con espaleira.
A espaleira diferénciaa doutras especies caseiras, como a cama ou o can.
Adoita vivir en pequenos rabaños dentro das casas.
Tamén habita en colexios e institutos...

Despois de "Manual de calcetíns salvaxes", no que Pablo Prestifilippo facía voar a súa inesgotable fantasía e a dos lectores imaxinando que esa prenda tan -aparentemente- anódina cobraba vida propia, este novo libro achégase tamén ás raíces, aos usos e mesmo á psicoloxía doutro elemento do noso entorno cotiá: a cadeira.
Así, a obra convértese nun informe científico que se remonta ás orixes prehistóricas deste sucedáneo de xirafa e árbore; identifica as partes da súa anatomía e anima o usuario a "espertar" algún deles... Unha aventura emocionante que o Profesor Roxelio Troncoso -alter ego do autor- experimenta en carne propia, o que lle custa algunha que outra sorpresa.
Fiel ao seu estilo inconfundible, cheo de sentido do humor, Prestifilippo preséntalle ao lector unha perfecta guía didáctica sobre a cadeira, destacando as vantaxes de compartir a nosa vida cunha mascota coa que podemos falar, xogar e mesmo facer ximnasia. Un relato nonsense que reborda surrealismo, sumido nun divertido caos de ideas e colores.
[Presentación editorial]

» Título: Instrucións para espertar a unha cadeira durmida
» Ilustrador:
   Pablo Prestifilippo
» Escritor/a:
   Xosé Ballesteros Rei

» Ed. Faktoría K de libros,
» Ano: 2007
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Textos infames
» Pax: 40
» ISBN: 978-84-9355804-2-1

» Crítica: Máis tarefas domésticas