Bieito Dubidoso Escritor/a: Roque Cameselle

Ed. Edicións Xerais de Galicia,
2003 | Narrativa

Bieito Dubioso era mago, e nas súas mans de alas de colibrí tremían a velocidade da luz e a exactitude do reloxo. Facedor de acontecementos imposíbeis era quen de provocar a desaparición dunha persoa ou de serrar o corpo de calquera e volvelo colar, sen que as vítimas se apercibisen de nada do sucedido. Orixinario da vila de Tui, mercede á súa facultade de crear neve en calquera condición atmosférica, atopará en Destreza a compañeira coa que compartirá aventuras e descubrirá o amor. Esta primeira novela de Roque Cameselle, tecida sobre o marco histórico das discordias provocadas por Xelmírez entre Braga e a corte compostelá, amosa a capacidade ficcional prodixiosa dun dos nosos narradores máis novos. A maxia, o humor, as aventuras, a reflexión histórica, o amor mestúranse nunha novela de lectura engaiolante na que cada páxina depara unha nova sorpresa para o lector.
[presentación editorial]

» Título: Bieito Dubidoso
» Escritor/a:
   Roque Cameselle

» Ed. Edicións Xerais de Galicia,
» Ano: 2003
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Narrativa
» Pax: 240
» ISBN: 84-9782-079-7