Arturo Noguerol Buján. Xornalista, arbitrista e financeiro do galeguismo Escritor/a: Román Alonso. Jesús-Fernando

Ed. Ir Indo Edicións,
2003 | Biográficos

En Arturo Noguerol conflúen algúns aspectos da historia recente de Galicia que resultan extraordinariamente singulares. Por unha banda, naceu e viviu nunha cidade, Ourense, que foi a cerna do galeguismo de principios do século XX; por outra, formou parte dun destacado núcleo de intelectuais, organizados ó redor do Grupo Nós, que deseñaron a liña cultural máis importante de todos os tempos en Galicia.
Arturo Noguerol, avogado de formación, decidiu proclamar a súa visión da terra e a súa preocupación polas xentes traballadoras, ben nos grandes periódicos da época - A Nosa Terra ou La Centuria- , ben a través da súa militancia política e a súa participación nos mítins en defensa do Estatuto de Autonomía. A Arturo, como aconteceu con tantos outros tralo Alzamento Nacional, faltoulle tempo para afondar moito máis nesa realidade política plural que xurdiu en Galicia coa chegada da Segunda República.
[presentación editorial]

» Título: Arturo Noguerol Buján. Xornalista, arbitrista e financeiro do galeguismo
» Escritor/a:
   Román Alonso. Jesús-Fernando

» Ed. Ir Indo Edicións,
» Ano: 2003
» Xénero: Biográficos
» CDU: 929=134.4
» IBIC: BG - Biografía: Xeral
» Coleccion: Galegos na Historia
» Pax: 66
» ISBN: 84-7680-500-4