Universidade e construción da sociedade civil en Galicia Escritor/a: Mª del Mar Lorenzo Moledo
Escritor/a: Miguel Anxo Santos Rego

Ed. Edicións Xerais de Galicia,
2007 | Ensaio e Investigación

No mundo actual as universidade convertéronse en institucións prestas a colaborar no espertar da conciencia social activa por parte do alumnado, profesorado e persoal de administración e servizos. Isto supón un enorme potencial en canto á disposición de recursos humanos cun grao de preparación alto para deseñar e levar adiante unha ampla gama de proxectos, dentro e fóra dos campus, e mesmo dos países. Neste sentido, a estrutura universitaria pode facilitar a canalización de ideas e iniciativas, permi-tindo a transferencia de coñecementos que recomenda a mellora continuada da sociedade civil a estas alturas da historia. Universidade e construción da sociedade civil, obra preparada por Miguel Anxo Santos Rego e Mar Lorenzo Moledo, catedrático e profesora, respectivamente, da Facultade de Ciencias da Educación da Universidade de Santiago, dá conta da relación entre voluntariado, aprendizaxe cívica e competencias transversais nas universidades de Galicia, trazando perspectivas de mellora acordes co desenvolvemento do país e da necesaria proxección dos seus recursos humanos nunha conxuntura de internacionalización. O volume está presentado por Anxo Quintana González, vicepresidente da Xunta de Galicia, institución que apoiou a súa edición dende a Secretaría Xeral da Xuventude e Solidariedade.
[Presentación Editorial]

» Título: Universidade e construción da sociedade civil en Galicia
» Escritor/a:
   Mª del Mar Lorenzo Moledo
» Escritor/a:
   Miguel Anxo Santos Rego

» Ed. Edicións Xerais de Galicia,
» Ano: 2007
» Xénero: Ensaio e Investigación
» IBIC: DNF - Ensaios literarios
» Coleccion: Universitaria
» Pax: 337
» ISBN: 978-84-9782-488-0