Sempre Mar. Cultura contra a burla negra Escritor/a: Varios autores

Ed. Asociacion Cultural Benito Soto,
2003 | Poesía

Neste traballo participan todos os sectores artísticos implicados na Plataforma contra a Burla Negra nun exem- plo máis de afirmación, de desagravio e de denuncia. O propio título do libro disco recolle en si mesmo este propósito ó se referir ó poema homónimo escrito polo noso grande autor do mar, Bemardino Graña, que aparece como epílogo desta obra. O poeta de Cangas publicou en 1966 Profecía do mar , unha obra chea de salseiros, tascas mariñeiras, gatos, peixes, ardoras, ámbar de sangue, xaraibas e roncallos. E ollomoles, alcriques, xoubas, sardiñas, lom- brigantes, maragotas, pintos e baleas. Este mariñeiro de palabras, navegante de versos e redeiro de ardentías, leva décadas facendo dos poemas insubmisas reivindicacións do noso legado mareiro. Por isto, Sempre Mar quere ser unha homenaxe a Bemardino Graña e a todos os creadores e creadoras deste país que labraron nas nosas costas chanzos para o noso imaxinario colectivo e para a nosa mantenza.
En "Sempre Mar" encontraredes, música, ilustracións, poemas, ensaios e relatos de centos de artistas que cederon de balde o seu esforzo para formaren parte do noso proxecto. Quixemos que a pluralidade falase por nós. Por iso esta convocatoria foi aberta a todas as persoas que libremente desexaron achegamos o seu traballo. Deixamos que o peso das sinaturas quedase rele- gado a un segundo ámbito para dar prioridade á multiplicidade de voces. Na riqueza desa polifonía recae precisamente a forza deste traballo. Sempre mar supón un percorrido doloroso polos sentimentos que nos abordaron os primeiros días, un periplo de altas ondas pola ira e pola carraxe, polo naufraxio da frustración e pola levada de áncoras das manifestacións, esas convocatorias nas que botamos por fóra toda a rabia e nos sentimos unidos como pobo. Sempre mar serve de crónica dunha viaxe apurada polas nosas derrotas e polas nosas ansias de superación. É humor e son lamentos. É ironía e é xenreira non contida. Son promesas e agoiros. Pero supón, por riba de todo, unha afirmación da nosa riqueza creativa e da xenerosidade compro- metida de centos de autores e autoras.
A nosa natureza atlántica abrolla neste traballo como unha fervenza nun océano de pasividade e permite remexer as augas do cambio. Por iso, a Plataforma contra a Burla Negra fai seu o berro de desagravio de Bemardino Graña: "Un mar pra andar perdido e ser camiño,/ como noite continua ou pesadelo,/ onde o corpo ten de ir espido, inxelo./Principio e fin das cousas. Mar diviño". iBurla Negra, nunca máis!
[limiar do libro]

» Título: Sempre Mar. Cultura contra a burla negra
» Escritor/a:
   Varios autores

» Ed. Asociacion Cultural Benito Soto,
» Ano: 2003
» Xénero: Poesía
» CDU: 82-1=134.4
» IBIC: DC - Poesía
» Pax: 203
» ISBN: 84-607-9145-9