11/30 Fran Herbello

Un dos exemplos más orixinais da fotografía actual está presente na obra de Fran Herbello (Menziken, Suíza, 1977). Asistimos ós seus traballos coa mentalidade do cirurxián, dun autor que expande o valor fotográfico para conectar coa poética atrapada en diversas series de traballo como “A imaxe e semellanza” ou a recente “Mal de corpo”. Presente en varias colectivas e certames de novos autores -“Imaxe maiores” ou “Detrás da pel”-, sobresaen as súas mostras individuais na Fundación Granell, na galería Railowsky (Valencia), no Centro Torrente Ballester, na Fundación Torrente ou a que inaugura hoxe no Espazo Anexo do MARCO co sorprendente proxecto “Souvenir”.

Búmerang1. A túa obra ofértase cun concreto tipo de relectura do fotográfico desde o corpo e a memoria ¿Como defines o rol fotográfico na actualidade despois de moitos de booms?

A fotografía é un acabado que permite limpeza e velocidade. Hoxe isto ten valor, temos gran facilidade para ler imaxes de xeito rápido, a imaxe esta tan estendida que moitas veces dáme a sensación que somos ruminantes visuais. Cando visitamos un lugar que nos parece digno de foto apenas o apreciamos en directo, rapidamente o atrapamos nunha foto para retomala máis tarde na casa.

Búmerang2. Sempre identificamos o teu traballo coa lectura da memoria desde o corpo ¿Cales son as claves que definen toda a relación de series?

En todas tento que a imaxe golpee, que chame a atención para que o espectador, logo, repare no xogo de asociacións. Corpo, memoria, publicidade, humor negro.

Búmerang3. ¿Con que liña de produción creativa compartes analoxías?

Interésame a liña de Jose Fernández, o gaiteiro de Aldán, con actitudes surreais e sorprendentes propias das greguerías de Ramón Gomez de la Serna.

Búmerang4. Identifícaste cunha xeración de novos artistas galegos. ¿como observas a promoción destes artistas máis novos por parte das infraestruturas?

Creo que hai certo apoio pero non sei si será suficiente. Hai xente moi boa que sae da facultade e non sigue facendo cousas. Pode que fose distinto se puidesen agarrarse a algo.

Búmerang5. Pensa nun proxecto que quixeras facer.

Un Imposible... non sei... facer un mirador cunha columna de 2000 barrís de viño da casa.