Carpa principal Atlantic Fest 2017 Foto: S. Montes
O IX Anuario de la Música en Vivo, publicado pola Asociación de Promotores Musicais (APM) presentouse onte en Madrid deixando ver un panorama positivo para o sector a nivel estatal, que viu aumentar a súa facturación nun 20,6% respecto ao ano anterior, o que supuxo 46 millóns de euros máis na conta global que chega agora a 269.168.730 euros. No que ten que ver con Galicia os datos seguen a liña global do Estado aumentando a facturación neta en máis dun 21% respecto ao 2016 e crecendo, aínda que de xeito dispar, nas catro provincias. O informe anual tamén coloca no posto 15 entre o TOP 25 de festivais de música no 2017 ao Resurrection Fest de Viveiro cos seus 100 concertos e 86.475 asistentes totais.
Os datos que aparecen no anuario de APM, con fonte da SGAE, indican que a facturación entre as catro provincias galegas aumentou en más de dous millóns de euros. Se ben o maior aumento cuantitativo é o da provincia da Coruña que representa case o 60 por cento do total galego, na que se facturaron en música en directo 5.857.228 euros, aumentando a cifra en máis dun millón respecto ao 2016, é en Pontevedra onde a variación interanual supera moito a media, con máis dun 39%, pasando dos 1.893.373,22 euros de 2016 aos 2.644.982,62 euros de 2017. A música ao vivo tamén aumenta a súa facturación neta nas provincias interiores, cun 7,6% de aumento en Lugo e unha máis relevante subida dun 26% entre ambos exercicios para a provincia de Ourense, que pasa dos 402.494,98 euros do 2016 aos 510.325,86 euros. Con todo isto a facturación galega pasa de ser o 3,48% da total do Estado ao 3,65%, aínda por debaixo o conxunto da Comunidade respecto á terceira provincia española en recadación, Sevilla, que factura o 3,79% do total.
Gráfico de elaboración propia CG.
Gráfico de elaboración propia CG.
Segundo a APM as subidas reflectidas no sector están directamente relacionadas coa consolidación de España como destino das grandes xiras internacionais, o crecemento sostible do mercado de festivais e a importante baixada do IVE cultural. Esta subida é a cuarta consecutiva nas últimas anualidades. Por vez primeira o Anuario de la Música en Vivo reivindica as xiras dos artistas como produto en si mesmo, do que promotores e managers son os principais responsables. Ademais desde as súas conclusións a APM ve entre os retos a tratar polo sector a importancia de atallar con ferramentas lexislativas de nova creación ao fenómeno descontrolado da revenda de entradas en liña.
Gráfico de elaboración propia CG.
Gráfico de elaboración propia CG.
Segundo a APM as subidas reflectidas no sector están directamente relacionadas coa consolidación de España como destino das grandes xiras internacionais, o crecemento sostible do mercado de festivais e a importante baixada do IVE cultural. Esta subida é a cuarta consecutiva nas últimas anualidades. Por vez primeira o Anuario de la Música en Vivo reivindica as xiras dos artistas como produto en si mesmo, do que promotores e managers son os principais responsables. Ademais desde as súas conclusións a APM ve entre os retos a tratar polo sector a importancia de atallar con ferramentas lexislativas de nova creación ao fenómeno descontrolado da revenda de entradas en liña.
