O proxecto Galicia 100 do Consello da Cultura Galega foi concebido como un proxecto transmedia: é dicir, un concepto de exposición que non remata no ámbito físico, senón que se aplica de maneira distinta en cada espazo, e que ten unha notable presenza en Internet. Hoxe estréase o web da exposición.
Galicia 100 foi concebido como un proxecto expositivo transmedia, onde cada medio complementa aos outros e permite expresar as ideas e liñas narrativas da mostra de maneira diferente. Deste xeito, o web inclúe de maneira integrada todo o contido do catálogo (aínda se irán incorporando pezas multimedia nos vindeiros días), os modelos 3D e moito máis contido. A maiores, pódese consultar o catálogo en PDF, que permite unha lectura analóxica e cronolóxica da exposición.
A visita á exposición
A exposición física é visitable na sede de Afundación (rúa do Vilar, 19), en horario de 12 a 14 h. e de 17 a 21 horas. Todos os xoves hai visitas comentadas ás 19 h. e
