Autores de BDs galegos participan en publicacións estatais

O debuxante vigués Miguel Porto está a multiplicar a súa actividade nos últimos meses. Recentemente anunciaba a súa participación cunha historia curta na antoloxía internacional The meaning of life, que sairá a comezos de maio editada por Sebastian Koch. Agora, confirma a súa participación no segundo número da publicación satírica Mongolia coa súa participación nunha historia guionizada por Jorge Riera. Canda a el, Alberto Guitián anuncia a súa participación no proxecto Black Pulp Box, unha caixa de publicacións de BD, narrativa e ilustración arredor da cultura pop que se presenta o vindeiro 23 de abril en Barcelona

A coincidir no tempo, o arousán David Buceta verá publicada La agente Sánchez da man da nova editora dixital TS Cómix. O volume pretende ser o primeiro dunha serie ambientada na sombría Villagarcity.