Xosé Díaz A exposición pretende comunicarlle á sociedade galega que é o que se está a xogar na deriva actual de Sargadelos

Fotografías, documentos, prototipos, obras son as pezas que exhibe a Fundación Luís Seoane na mostra que abriu esta fin de semana. Con elas pódese contar a historia do Laboratorio de Formas, a xénese do actual grupo Sargadelos. Xosé Díaz, comisario da exposición da que hoxe presentamos unha achega, explica que serve para contar a historia do complexo cultural a partir do labor creativo desenvolvido por Luís Seoane e Isaac Díaz Pardo.

A exposición

A exposición pon en valor as ideas e o traballo de Isaac Díaz Pardo e Luís Seoane que fixeron á fronte do Laboratorio de Formas. Así explica o comisario, Xosé Díaz, o contido desta mostra que non se centra nas pezas que exhibe, senón na historia do grupo. Por iso, a primeira parte explica as figuras dos dous creadores para pasar a contar o aspecto industrial (coa recuperación da fábrica de Sargadelos), o de arte e comunicación (con Edicións do Castro) ou o institucional (Seminario de Estudos Galegos, Seminario de Sargadelos, Instituto Galego da Información).

O contexto

Ademais, Díaz explica que a exposición sirve de contextualización histórica do que supuxo Sargadelos e comunicarlle á sociedade galega o que se está a xogar na deriva actual deste grupo no seu interese de apartar a Isaac Díaz Pardo e o Laboratorio de Formas.