Manuel Antonio. Unha vida en rebeldía Escritor/a: Xosé Luis Axeitos

Ed. Edicións Xerais de Galicia,
2017 | Biográficos

Manuel Antonio embarcou en 1926 no Constantino Candeira para navegar a vela os douscentos días de mar preceptivos na procura dun medio de vida. E desembarcou ao ano seguinte, sen traballo pero consagrado como poeta. Esa foi a consecuencia lóxica da súa firme vontade de querer ser escritor, un anhelo que atravesou e anoou a vida e a obra do rianxeiro.O título desta biografía quere ser metáfora dun camiño de risco –a rebeldía– para ir na procura da maior liberdade posible: Manuel Antonio elixe unha opción política minoritaria –o nacionalismo das Irmandades– cando a tradición familiar lle podería reservar un lugar de privilexio nas ringleiras dos poderosos partidos "turnantes". E aspira, perigosamente, a un lector laborioso e esforzado intelectualmente, porque deste xeito poderá ofrecerlle textos onde non falten as dificultades e os procedementos experimentais –léxicos, rítmicos, gráficos e tipográficos– que un escritor ambicioso poida propoñer. Deste xeito, liberado da crítica e do lector tradicional instalado na estética dominante, Manuel Antonio camiña sen reservas polo vieiro experimental e innovador. En liberdade.
[Presentación editorial]

» Título: Manuel Antonio. Unha vida en rebeldía
» Escritor/a:
   Xosé Luis Axeitos

» Ed. Edicións Xerais de Galicia,
» Ano: 2017
» Xénero: Biográficos
» CDU: 929=134.4
» IBIC: BG - Biografía: Xeral
» Coleccion: Crónica
» Pax: 304
» ISBN: 978-84-9121-188-4