Denébola a Roxa Escritor/a: Héctor Cajaraville

Ed. Baía Edicións,
2016 | Infantil-Xuvenil

Obra gañadora do 7.º Premio Meiga Moira de Literatura infantil e xuvenil 2016.
O 15 de marzo de 1600, o mesmo día en que fai quince anos, Denébola recibe a noticia de que o seu pai decidiu enviala como noviza a un convento de clausura. Pero a moza, que comparte nome cunha das estrelas máis brillantes da constelación de Leo, loitará por un futuro máis luminoso ca este que o seu pai, o poderoso señor de Mourentán, elixiu para ela.
Marcada pola superstición asociada á súa cabeleira roxa, buscará o modo de rexerse polos seus propios principios e tomar as rendas do seu destino. Na súa viaxe á procura da liberdade acabará chegando a América, un Novo Mundo no que todo está por facer e onde é posible converter en realidade o soño de trazar o seu camiño na vida.
Denébola a Roxa é unha novela de aventuras de estrutura áxil e dinámica, que relata o desafío dunha muller brava nun mundo de homes. Un exemplo de como a afouteza e a perseveranza conseguen derrubar todas as barreiras.
[Presentación editorial]

» Título: Denébola a Roxa
» Tradutor/a:
   Héctor Cajaraville

» Ed. Baía Edicións,
» Ano: 2016
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Meiga Moira
» Pax: 200
» ISBN: 978-84-9995-210-9