A segunda lingua Escritor/a: Yolanda Castaño

Ed. Centro PEN Galicia,
2014 | Poesía

...asegura que os titulares teñen un gusto a conversa de ascensor, sinala barcos depositados sobre o tendal do horizonte. ao meter segunda acompasa o motor ao rexistro e cóntache que cada vez con máis frecuencia debe manter conversas en idiomas estranxeiros. describe os músculos que convén exercitar: o puño e a letra, obxectos de transición, asentos, cinta illante. que escribimos ás escuras (detén o focus de segunda man no semáforo) e que a poesía é unha lingua minorizada dentro da pedra. de ámbar. dicías: a sedución do coral excretando os seus arrecifes. dicían: vou facer dieta. non, non é doado pronunciar patria nin matria nin earl grey, bonjour monsieur, quero un earl grey. non fala soa, conduce soa. ao paso da conversa saen ruídos, bárbaros dragóns, roupa barata. entón o poema abre os ollos e esperta no mundo real e só na lingua nai acada o propio silencio. ela pon o coche en marcha outra vez. [Contracapa da versión en galego. Texto de Xabier Cordal]

» Título: A segunda lingua
» Escritor/a:
   Yolanda Castaño

» Ed. Centro PEN Galicia,
» Ano: 2014
» Xénero: Poesía
» CDU: 82-1=134.4
» IBIC: DC - Poesía
» Pax: 76
» ISBN: 978-84-96982-64-2