Ruada das papas e do unto Escritor/a: Roberto Vidal Bolaño

Ed. Consello da Cultura Galega,
2013 | Clásicos

E velaí esta obra festiva, a Ruada das papas e o unto, apenas representada, aínda que foi polo seu autor «cabilada para facer na rúa con mómaros e con actores, con música e con cantigas». Porque o teatro para Vidal Bolaño «só é tal cando é un feito compartido". Actores e xente xuntos. É a color, e as imaxes, e a palabra e o bruído. Todos arredor dun mesmo anaco de vida». A vida que lle faltou a este polifacético home de teatro, que tivo que partir prematuramente camiño do alén. No aquén deixounos o seu legado de home comprometido coa palabra, coa liberdade, coa cultura, co teatro. Co teatro galego e con Galicia. Un home co visible fardel dos bos e xenerosos. Un señor maior con sombreiro e bigote, que por sorte foi quen de actuar sempre, no escenario e no gran teatro do mundo galaico, dun xeito irresponsablemente responsable. Para honra e gloria das letras e do teatro galego. E como é de costume, presentamos esta edición singular e penso que elegante dunha obra do dramaturgo, precedida de atinados estudos da autoría de dous expertos como Camilo Franco e Inma López Silva. Agradézolles a eles e á familia do autor a axuda que lle prestaron ao Consello da Cultura Galega para dar a lume esta Ruada.

» Título: Ruada das papas e do unto
» Escritor/a:
   Roberto Vidal Bolaño

» Ed. Consello da Cultura Galega,
» Ano: 2013
» Xénero: Clásicos
» Pax: 138
» ISBN: 978-84-92923-4

» Publicación completa: Ruada das papas e do unto