Marmeladas caseiras Escritor/a: Montserrat Roig
Escritor/a: Nuria Durán
Ilustrador: Ramón Pascual

Ed. Baía Edicións,
2012 | Gastronomía

80 receitas que saen ben
Desde tempos remotos, descubrir como conservar os alimentos constituíu todo un reto para o ser humano; diso dependía poder eludir a cotiá tarefa de apañar ou cazar, permitindo gozar no inverno dos saborosos froitos de verán. Ao parecer, a primeira referencia escrita a unha marmelada aparece na Historia natural de Plinio (século I), onde se lle dedica algo máis que unha liña de texto nun tratado de dezasete tomos.
Até finais do século XIV non atopamos consignada a referencia seguinte, nun libro titulado Le Menagier de Paris (Traité de morale et dŽéconomie domestique, composé en 1393 par un bourgeois parisien) atopamos receitas de froitos como os marmelos, confeitados en mel.
Hai que esperar ao século XIX para a gran difusión das marmeladas. Unha burguesía en pleno auxe imita o modo de alimentarse da aristocracia, aproveitando o progreso da agricultura, a dispoñibilidade de froitas boas e do abaratamento do azucre, até entón un produto de luxo.
Hoxe os andeis de calquera supermercado están cheos de marmeladas frecuentemente ateigadas de edulcorantes, conservantes e pectinas industriais, sen o aroma e a lixeira textura dunha confeitura feita na casa. A preparación dunha boa marmelada leva implícita unha gran variedade de posibilidades, o goce da creatividade e a satisfacción de poder ofrecer aos demais aquilo que un fixo coas súas mans. Un bote de marmelada é un delicado obsequio para un amigo que veña visitarnos ou unha familia que nos invitou a cear.
Pásanse moi bos momentos escollendo a froita, preparando os útiles necesarios, rexistrando as receitas nun caderno, debuxando as etiquetas e gardando con graza os botes nun andel onde poidan apreciarse.
[Presentación editorial]

» Título: Marmeladas caseiras
» Escritor/a:
   Montserrat Roig
» Escritor/a:
   Nuria Durán
» Ilustrador:
   Ramón Pascual

» Ed. Baía Edicións,
» Ano: 2012
» Xénero: Gastronomía
» CDU: 641.5=134.4
» IBIC: WB - Cociña/comidas e bebidas, etc.
» Coleccion: Cociña
» Pax: 160
» ISBN: 978-84-9995-043-3