Emigración de retorno e dinámicas sociopolíticas locais na Galicia rural Escritor/a: Raúl Soutelo

Ed. Concello de Valga,
2007 | Ensaio e Investigación

É sabido que as familias campesiñas, o movemento agrarista e o amplo abano de transformacións económicas e sociopolíticas vencelladas ao fenómeno migratorio son, posiblemente, un dos temas máis estudados e mellor coñecidos polos investigadores da Historia contemporánep de Galicia. As obras dos profesores Ramón Villares, Pilar Cagiao, María Xosé Rodríguez Galdo, Alejandro Vázquez e Xosé Manoel Núñez Seixas, coas que dialoga o autor deste traballo, son referencias obrigadas mesmo nos estudos migratorios de ámbito internacional. 8ótanse en falla, porén, análises territoriais e sociais de microescala que esculquen esa interacción entre os factores estruturais (demográficos, económicos, etc) e culturais que condicionaron a saída dos millóns de europeos que marcharon "facer as Américas" e, tamén, o retorno de moitos deles, o envío de remesas e o seu patrocinio das iniciativas modernizadóras que desenvolveron os parentes e veciños que ficaran nas bisbarras de orixe en Asturias, Irlanda, Italia ou Galicia. Deste xeito, as parroquiás e as familias representativas dos diversos sectores da población rural, dende os labradores abastados e os pequenos comerciantes ata os fogares pobres de caseiros e xornaleiras, convértense nos protagonistas dunha historia microsocial feita cos proxectos de vida desas persoas recuperados nos anacos de memoria dos seus herdeiros e nas cartas e fotos daqueles que estes conservaron. A xenerosidade dunha manchea de persoas de Valga, para compartir a súa memoria familiar co autor deste traballo, deron o froito vizoso dun libro que demostra, outravolta, a capacidade de adaptación de todos os grupos sociais da Galicia rural aos mudantes escenarios económicos e políticos nos que Iles tocou vivir.

[Fragmento da Presentación de José María Bello Maneiro, Alcalde de Valga]

» Título: Emigración de retorno e dinámicas sociopolíticas locais na Galicia rural
» Escritor/a:
   Raúl Soutelo

» Ed. Concello de Valga,
» Ano: 2007
» Xénero: Ensaio e Investigación
» IBIC: DNF - Ensaios literarios
» Coleccion: Premio de investigación Xesús Ferro Couselo
» Pax: 630
» ISBN: 978-84-611-7014-2