2 / 12 / 2005

A Sección de Literatura e Industrias da Edición do Consello da Cultura Galega organizou unha tertulia aberta que explora as relacións entre a literatura e a narración audiovisual e na que participarón Ángel de la Cruz, Roque Cameselle e Gustavo Pernas.

Baixo o tema "Escribir para o audiovisual" participaron, o xoves 24 de novembro na biblioteca da sede do CCG, como convidados Ángel de la Cruz, produtor cinematográfico e guionista que desenvolve o seu traballo na produtora Dygra; Roque Cameselle, escritor, produtor e guionista na empresa Deboura, dá clases na Escola de Cine de Vigo; Gustavo Pernas, dramaturgo e guionista, dá clases de guión e dramaturxia en diferentes ámbitos de ensino.