28 / 10 / 2005

Mesa redonda inserida no ciclo de conferencias que acompaña á exposición "50 anos con Merlín e familia". Xosé Luís Franco Grande e Henrique Monteagudo contextualizan o momento no que apareceu a obra de Cunqueiro e disertan sobre a súa persoa así como de outros dos protagonistas desa época.

A Sección de Literatura e Industrias da Edición do Consello da Cultura Galega ofrece esta mesa redonda celebrada no Museo do Pobo Galego no xoves 27 de outubro de 2005 dentro do ciclo dirixido por Dolores Vilavedra. Con presentación a cargo de Víctor F. Freixanes falan arredor de "Os tempos de Álvaro Cunqueiro" Henrique Monteagudo e Xosé Luís Franco Grande. Contextualizando o espazo histórico da Galicia dos anos 50, Monteagudo esboza a contraposición entre a resistencia cultural e a resistencia política no momento. Franco Grande achega as súas vivencias e recordos nos que reivindica a Piñeiro e a Cunqueiro.