31 / 3 / 2005

Tertulia aberta baixo o título “Literatura e compromiso” organizada pola Sección de Literatura e Industrias da Edición do Consello da Cultura Galega. O coloquio e debate tivo lugar o xoves 31 de marzo ás 17 horas.

Os asistentes a esta xuntanza aberta reflexionan e discuten arredor do compromiso en relación coa literatura. A necesidade ou non da ética xunto á estética, a relación da literatura cos poderes político e económico. Nesta tertulia de encontro na mesa da biblioteca do CCG no Pazo de Raxoi, están, como invitados principais, ademais de membros da Sección organizadora, o escritor Suso de Toro, o dramaturgo e membro da real Academia Galega Euloxio R. Ruibal e o ensinante, poeta e membro das Redes Escarlata Xabier Cordal. Preséntaos e intervén Dolores Vilavedra. Como en anteriores ocasións, a tertulia estivo aberta ás achegas dos interesados en participar nela, como é o caso das intervencións de Camilo Nogueira e Inma López Silva.