24 / 2 / 2005

A Sección de Literatura e Industrias da Edición do Consello da Cultura Galega organizou unha Tertulia baixo o título “Ciberliteratura”. O coloquio e debate tivo lugar o xoves 24 de febreiro ás 17 horas.

Os asistentes reflexionaron colectivamente arredor do tema da creación literaria feita expresamente para Internet. Nesta tertulia de encontro na mesa da biblioteca do CCG no Pazo de Raxoi, estiveron, entre outros, Gonzalo Navaza, Santiago Jaureguizar e Xabier Cid. Outros membros da sección como Víctor F. Freixanes tamén participaron do debate aberto arredor da creación literarua na rede, a súa definición e implicacións, a posibilidade das ferramentas hipertextuais e outras ideas que foron aparecendo sobre a mesa.