21 / 12 / 2004

A Sección de Literatura e Industrias da edición do Consello da Cultura Galega presenta unha tertulia sobre o tema "Animación á lectura". A tertulia celebrouse o venres 17 de decembro ás 17 horas na biblioteca da sede do Consello no Pazo de Raxoi. A gravación de unha hora (aprox.) que pode escoitarse a través da rede recolle as primeiras intervencións das invitadas.

Pilar Sampedro, presidenta da Asociación Galega do Libro Infantil e Xuvenil (GALIX), mestra e asesora de formación, conduce a tertulia que, co título común de "Animación á lectura", incide nas estratexias, necesidades, debilidades e fortalezas do sistema de animación á lectura. Tamén interveñen, Cristina Novoa, asesora de bibliotecas do Servizo de Formación do profesorado e bibliotecaria do CEIP de Palmeira, e Magdalena de Rojas, escritora, mestra e bibliotecaria. Unha tertulia na biblioteca da sede do CCG, no Pazo de Raxoi.