Foi un dos impulsores de “Xofre”, unha das publicacións pioneiras do cómic en Galicia, en 1979. Ilustrou o seu primeiro libro en 1981 e ten feito máis de setenta para diversas editoriais españolas. Colaborou con publicacións como "Can sen Dono" e "Golfiño". No verán do ano 2000 publicou o seu primeiro álbum de banda deseñada, "Cita na Habana", ambientado na Guerra da Independencia de Cuba. O segundo volume deste título, “Campos de Cuba”, saíu á luz no 2004.

Palmarés
En 1980 gañou o concurso de banda deseñada convocado pola asociación "O Facho". Gañador do premio Ourense de banda deseñada (Casa da Xuventude de Ourense, 1999) pola súa traxectoria. Entre outros recoñecementos tamén recibiu o premio Pardo Bazán do Ministerio de Educación (1988), a V Curuxa Gráfica (1989) e foi seleccionado en 1994 pola OEPLI (Organización Española para el Libro Infantil y Juvenil) como un dos representantes de España na Bienal Internacional de Ilustración de Bratislava (Eslovaquia). En 2011 foi un dos catro finalistas do I premio Ciutat de Palma de Còmic.

Formación específica
É arquitecto de formación e exerce a docencia como profesor de educación plástica e visual no ensino secundario.

---

---

---

  Noticias relacionadas