O ilustrador Jorge Campos xunta forzas de novo coa guionista Pilar Serrano Burgos para continuar as historias de
Unha mestra en apuros cun segundo volume. Bululú presenta esta obra de 64 páxinas a cor no que se repasan con "surrealismo por milleiros e diversión ao máximo" o intenso anecdotario dunha docente de infantil "baseado en feitos reais" para público de todas as idades. A obra conta tamén con versións en castelán e catalán.
Pola súa banda, o debuxante compostelán Pedro Segade suma ao catálogo da editora estatal Cascaborra
Covadonga. A obra, con texto de Raúl Balen segue a historia de Don Pelayo. Ademais, o autor está a publicar na editora Nowevolution
Vivar, unha obra con guión do vigués David Braña. Tamén Fran Jaraba incorpora o seu traballo ao catálogo de Cascaborra, que está a presentar a versión en castelán da súa
División Azul.
