Debuxante, deseñador gráfico e deliñante. Colaborou con "Teima", "Can sen dono", "As Roladas", "El ecologista" e "El patito feo". Traballou na realización do "I Seminario Galego do Humor" celebrado en Sada. Na actualidade desenvolve unha actividade esporádica na banda deseñada. Estas son algunhas das numerosas exposicións de BD nas que participou: Banda Deseñada, I exposición de cómic (A.C.Roi Xordo, Ferrol - 1977) con Xaquín Marín e Alberte Permuy; diversas mostras en Fene, Pontedeume, Ferrol, Alemaña e Bélxica en 1984; colectiva no Museo do Humor (Fene - 1985), retrospectiva de toda a súa obra (Teatro Principal, A Estrada - 2002), Humor Cru (Museo do Humor, Fene - 2003).

Palmarés
Gañou o premio Culturagalega.org - BD Banda (2002).

Formación específica
Certificado en Teatro, Vídeo e Artes Plásticas pola Escola de Estiu de Animació Sociocultural Interacció-84, Barcelona. Colaborador e asistente ao I Congreso Galego de Animación sociocultural, Santiago de Compostela (Xunta de Galicia).

---

---

---

  Noticias relacionadas