O Pórtico tal e como o viron os ollos de Mateo

A construción da gran fachada barroca da catedral de Santiago transformou o xeito no que desde o século XIII as xentes se achegaban á maxestosa fachada deseñada polo Mestre Mateo. Agora, un audiovisual producido polo CCG e elaborado polo proxecto Kosmotech_2000 preséntanos de xeito espectacular a disposición orixinal das personaxes na parte perdida da fachada que protexía o Pórtico da Gloria. O vídeo, elaborado por Francisco Prado-Vilar (dirección científica) e Alexandre González Rivas (virtualización e restauración dixital), reconstrúe as cores orixinais das esculturas baseándose nos estudos de pigmentos e motivos decorativos da primeira policromía do Pórtico e en documentación comparativa, para facilitar unha lectura iconográfica da composición e movemento das vestimentas e do simbolismo dos personaxes. O vídeo foi elaborado por Francisco Prado-Vilar (dirección científica) e Alexandre González Rivas (virtualización e restauración dixital) co apoio do Consello da Cultura Galega. O vídeo complemente o especial do cCG "Os profetas do Pórtico da Gloria e a cultura galega", no que Francisco Prado-Vilar dá conta da traxectoria das esculturas mateanas e a súa reivindicación ao longo do século XX. O vídeo pódese ver tamén na exposición do Museo do Pobo Galego na que se exhiben estas figuras trala súa devolución ao concello de Santiago por parte da familia Franco.