O Pazo de Xelmírez acolle a mostra Mestre Mateo

Este xoves 20 ás 18:00 horas inaugúrase no Pazo de Xelmírez, ao carón da Catedral de Santiago, a exposición Mestre Mateo, que é unha continuación da xa organizada entre novembro de 2016 e abril deste ano no Museo do Prado de Madrid. Na exposición poderán verse reunidas diferentes esculturas da fachada mateana do Pórtico da Gloria, incluída a figura masculina con cartela descuberta durante as obras de restauración da Torre das Campás.