Desde 2001 adícase ao deseño gráfico e puntualmente á ilustración e á BD. Colaborou en diversos fanzines, entre os que se contan, a nivel estatal, "Cabezabajo" e "Dos veces breve", e a nivel autonómico, "Chámalle X", "Whore!", "Comikaze" e o "Fanzine das Xornadas". Participou no suplemento xuvenil "Golfiño" de La Voz de Galicia e nas exposicións "Vigo nas sombras II", "Cómics en Vigo" e "Semana de Banda Deseñada 2000". É un dos autores fixos da revista "Barsowia" e colaborou coa publicación “Código Cero”. Contribuiu aos álbumes colectivos "H2Oil" e "Barsowia en Llamas" (Dolmen, 2006) e á novela gráfica "Capital" (Edicions de Ponent, 2006).

Palmarés
Gañou un accésit no Concurso Galego de Banda Deseñada, categoría B (18 a 30 anos) en 1997. Coa historia "A realización persoal de D.X." levou un accésit no XV concurso galego de banda deseñada Xuventude 1999. Recibiu o primeiro premio no Certame de Cómic de Arteixo (2000), categoría C (adultos), coa historia "Salvar o Ovo Ryan", unha parodia culinaria do filme de Steven Spielberg. Xunto con Kike Benlloch fixo "Asasinos", 2º premio na categoría A do certame de cómic de Cangas 2007.

Formación específica
Licenciado en Belas Artes pola facultade de Pontevedra. Curso de infografía audiovisual.

---

---

---

  Noticias relacionadas