Un libro, unha escolma e material didáctico lembran a figura do autor homenaxeado no día das Letras Galegas

Manuel Lugrís Freire é o homenaxeado no Día das Letras Galegas deste ano. Por iso non é raro que aparezan exemplares que contribúan a difundir a súa figura. Unha das entidades que o fan é a Xunta de Galicia que, a través da Secretaría Xeral de Política Lingüística, está a distribuír nos centros educativos material escolar (un CD, un DVD e unha exposición). Con estes documentos preténdese dar a coñecer aspectos da vida do dramaturgo e articulista como a súa participación en movementos rexionalistas e galeguistas da época. Ademais, a Secretaría que dirixe Marisol López elaborou unha escolma titulada "De Rosalía a Manuel Lugrís" que os libreiros regalarán a quen merque un libro en galego no mes de maio. Por outra banda, Xabier Campos está a presentar estes días o seu “Dicionario Manuel Lugrís Freire” (Galaxia). Un volume que completa outros dos traballos xa editados e que se centra na figura deste republicano e impulsor da Real Academia Galega.

Máis información sobre o material editado pola Xunta en El Ideal Gallego, sobre a publicación de Xabier Campos en Galicia Hoxe e sobre Lugrís Freire nos nosos arquivos