Co título Sempre coas San Lucas o Concello de Mondoñedo e a asociación que organiza esta centenaria feira cabalar celebra este 17 de outubro unha homenaxe a Xosé Vizoso. O creador, que protagonizou o Día da Ilustración 2025 e que faleceu o pasado mes de febreiro, foi autor de dezasete carteis da feira, establecendo a estética coa que é coñecido o evento na actualidade.
O programa comezará cunha ruta polas rúas da vila, nas que se poderán ver os carteis realizados por Vizoso para a festa. Ás 11.45, o Auditorio Pascual Veiga acollerá a mesa redonda Evocando a Xosé Vizoso, coa participación de Sonia Meilán, Rafa Blas, Miguel Souto, Higinio Méndez, Xosé Artiaga e Antonio Reigosa. Ademais, presentarase o libro Xosé Vizoso. Sempre coas San Lucas que as persoas asistentes recibirán como agasallo.
Como feche da homenaxe, o Auditorio acollerá a inauguración da exposición Xosé Vizoso. O neno que debuxou un cabalo, que se puido ver na Biblioteca de Galicia con ocasión do Día da Ilustración e que permanecerá aberta ata finais do ano.
Como feche da homenaxe, o Auditorio acollerá a inauguración da exposición Xosé Vizoso. O neno que debuxou un cabalo, que se puido ver na Biblioteca de Galicia con ocasión do Día da Ilustración e que permanecerá aberta ata finais do ano.
