Portada do número 52 de Raigame
O número 52 da revista Raigame, editada polo Centro de Cultura Popular Xaquín Lorenzo da Deputación de Ourense, aborda as relacións culturais e históricas entre a Galicia e a Bretaña. Deste xeito, César Llana, director do Museo Arqueolóxico Provincial de Ourense, aborda a figura de Castelao e Afonso Vázquez-Monxardín dentese nas relacións entre a xeración Nós coa Bretaña, tanto a través das viaxes como dos contactos cos seus intelectuais. A terceira parte da publicación inclúe as actas das xornadas do patrimonio do Institut de Recherche Jacquaire, celebradas en Quimper. Pablo Nogueira estuda as similitudes e diferencias entre os calvarios bretóns e galegos, Denise Péricard-Méa repasa o culto a Santiago en Bretaña e Pierre Nédelle aborda as comunicacións marítima entre Galicia e a Bretaña, entre outros artigos. A revista pódese descargar de balde en pdf.
