A Panadaría teatro anuncia a súa disolución

A Panadaría Teatro é unha compañía creada en 2013 en Vigo por estas mesmas tres mulleres. No ano 2015, grazas a súa montaxe 'Pan,pan' obtivo o que sería o seu primeiro premio maría Casares, que recoñecería a Areta Bolado como Mellor Actriz Secundaria ese ano, o espectáculo obtivo tamén o Premio da Crítica de Galicia. As súas posteriores montaxes 'Elisa e Marcela', en coprodución co CDG e a actual 'As que limpan', coproducida co Centro Dramático Nacional, acadaron ata catro Premios María Casares cada unha delas, ademais de outros premios e recoñecementos en Galicia e fóra. A obra na que recollían e revitalizaban a historia real de Elisa e Marcela, situounas como abandeiradas da reivindicación da identidade sexual libre representada na historia e da normalización da vida homosexual na sociedade o que lles valeu o premio Begoña Caamaño de cultura pola igualdade que concede a Deputación da Coruña. Ademais diso a obra xirou dentro e fóra de Galicia e mesmo foi recoñecida co premio do público da Mostra Internacional de Teatro de Ribadavia, recibiu dous premios no Festival de Teatro Galego do Carballiño (FETEGA) e incluso un evento cinematográfico, o Festival Internacional de Cine LGBT de Estremadura, FanCineGay, na súa 22ª edición, considerou a obra galega merecedora do Premio Las Horas "pola súa emocionante revisión histórica a través dun teatro arriscado, sen artificios, que pon o foco nos corpos e as palabras das actrices".

Ver esta publicación en Instagram

Una publicación compartida por A Panadaría (@apanadaria)