Cultura amplía a lista de embarcacións do Censo do Patrimonio Cultural

Trece embarcacións tradicionais matriculadas en Vilagarcía, Viveiro e A Coruña acaban de ser incluídas no Censo de Patrimonio Cultural de Galicia, de acordo coa resolución publicada hoxe no DOG. As embarcacións recibiron os preceptivos informes dos mestres carpinteiros de ribeira e da Asociación Galega de Carpintería de Ribeira que as acreditan como "manifestación das técnicas construtivas da carpintería de ribeira". Trátase de dúas dornas polbeiras, catro botes polbeiros de Bueu, dous galeóns, unha dorna de media construción e dúas dornas cordeleiras.