O Museo do Mar abre unha exposición fotográfica sobre a carpintería de ribeira

O Museo do Mar, radicado en Vigo, inaugurou a mostra temporal "A carpintería de ribeira. A fráxil beleza dun oficio". Está feita en colaboración co Museo Massó de Bueu, quen convocou en 2017 un concurso fotográfico centrado na carpintería de ribeira tradicional. A mostra permite ver cincuenta das imaxes presentadas ao certame. Anxo Lorenzo, secretario xeral de Cultura, lembrou que a Xunta "está a impulsar a declaración de ben de interese cultural das técnicas construtivas da carpintería de ribeira como manifestación do patrimonio inmaterial de Galicia".