A Dirección Xeral de Patrimonio incoará o procedemento para que a carpintaría de ribeira de Purro, en Bueu, pase a formar parte do Inventario de Patrimonio Cultural de Galicia. Coa súa inscrición neste rexistro, o edificio contará cunha área de protección de 50 metros e calquera intervención no mesmo deberá notificárselle á administración. Cultura adiantou que se tomarán medidas para evitar o deterioramento deste ben e adiantou a súa intención de integrar a carpintaría como un anexo do Museo Massó centrado na construción tradicional de embarcacións.
