Ilustración de Arnáiz para as Rimas de Bécquer
Un cento de láminas de Doroteo Arnáiz, artista madrileño afincado na Coruña, compoñen a nova doazón ao Museo do Gravado de Artes, en Ribeira. O creador protagoniza ademais a última exposición do centro, que abriu as portas este 22 de xuño, e que se centra o seu traballo de ilustración.
En concreto Doroteo Arnáiz. Ilustrador recolle doce augafortes artelladas en tres series coas que acompañou a obra Rimas de Bécquer en 1977 e os Cien sonetos de amor, de Pablo Neruda, que inclúen 100 augafortes e augatintas realizados en 1978. Tamén se poden ver outras 16 pezas coas que acompañou a obra Shanshô Dôei do mestre xaponés Eihei Dôgen. Son as ilustracións da obra de Neruda as que compoñen o legado que se incorpora aos fondos do Museo situado en Artes.
Arnáiz, que fundou o Centro de Gravado Contemporáneo da Coruña, conta no seu haber cunha extensa carreira internacional con exposicións en cidades como Nova York, Milán, Ámsterdam, Tokio e Barcelona, ás que se suman diferentes premios.
